أصدق مع نفسك قبل فوات الأوان

لما تكون عايز تخلص من واحد (بجد مش كده وكده)

· تزود مدة وجوده معاك ؟

· تعجل بالتخلص منه بسرعة ؟

لما تكون بتقول إنك مع الديموقراطية اللي هي حكم الشعب

· تحترم رأي الشعب واختياره

· تحقر رأي الشعب دائما وتسفهه وتتهرب منه

لما تكون عارف إنك داخل لعبة ومتأكد إنك حتخسرها

· تكمل لعب وتخسر

· تدور على أي حاجة تبوظ بيها اللعبة قبل ما تخسر

لما تكون عايز مصلحة البلد بجد في اللي انت بتعمله

· تفرح لما غيرك يشاركك حتى لو مخالف ليك لإن وجوده قوة معاك

· تمنع غيرك من المشاركة معك وتطرده وتسبه

لما تكون وطني بجد

· تدور على اللي يفيد بلدك حتى لو خصم من رصيدك

· تدور على اللي يزود رصيدك حتى لو خربت البلد

لما تكون عارف إنهم كده كده حيشتموك ويخونوك ويلفقوا لك التهم

· تتقي الله وتعمل اللي انت مقتنع إنه يرضي ربنا بغض النظر عن آراء من حولك

· تحاول ترضيهم بأي طريقة يمكن المرة دي يرضوا عنك

لما تكون عارف إن فيه فخ بيجهزوه علشان يوقعوك فيه

· تتجنب الوقوع في هذا الفخ

· تجري لتقع في الفخ ثم تصرخ وتندب "لقد وقعنا في الفخ"

لما يكون فيه تنظيم واثق في قياداته اللي اختارهم وفي دينهم وحكمتهم

· يسمع كلامهم في العسر واليسر والمنشط والمكره

· يبيعهم مع أول خلاف بينهم في الرأي

لما تكون بتقول إن عملك كله لله وبذلت كل وسعك علشان تتقي الله في قرارك

· لا تحزن من النتيجة أيا كانت وترى أن الخير أكيد فيها

· تحزن إذا سبوك أو شتموك أو خونوك أو فقدت بعض شعبيتك

هذه الأسئلة وغيرها ينبغي لكل شخص أن يسألها ومثلها لنفسه وبالذات هؤلاء الذين يقولون أنهم يعملون لنصرة دين الله ، وذلك حتى يتبين لكل عاقل أين يضع قدمه وأين مواطن الخلل

ليكن كل منا صريح الى أقصى درجات الصراحة في الإجابة عن هذه الأسئلة

قدتكون نتيجة إجابتك مفزعة لك إذا أجبت بصراحة

وقد تكون مطمئنة لك

وقد تكون سببا في تعديل سيرك وقراراتك ونظرتك للأمور

لا تقل شيئا وتفعل عكسه - وإلا استحققت المقت الكبير من الله

لا تدع إعتناق مبدأ وتفعل ما يضاده - فهذا هو النفاق بعينه

لا تصادم بديهيات الحياة ونواميس الكون - وإلا تركتك محطما أو مجنونا