طبعا سعادتكم عارفين - والعارف لا يعرف - ان النظارة بتخلي الواحد يشوف كويس ، يعني من الآخر الواحد بيتمحك في النظارة علشان يقول لكم انه بيشوف ، بس ده ما يمنعش ان ان النظارة دي حاجة مهمة جدا فيستخدمها المثقف في القراءة
وكلما ازدادت ثقافتك ازدادت نظاراتك
وربما كبرت النظارة كمان دليل الثقافة الزائدة
ويمكن لأي شخص أن يلبس نظارة مثل هذه للاختباء والتخفي ... ياترى من مين ؟
وكذلك ممكن لأي قطة قطقوطة أن تلبس نظارة فتزداد جمالا
وكمان ممكن اي كلب ابن ابوه يلبس نظارة ... ماهي النظارات لمت
ومن كتر حب الناس في النظارات قام بعض قدماء الأمريكيين بعبادتها وعمل تمائيل لها
لهذه الأشياء ولأشياء أخرى أهم طبعا اخترت النظارة شعاراويللا على الشغل الجد بعد كده
سلام
2 comments:
يا سيدي عرفنا ان نظرك ضعيف وشيش بيش وبتلبس نظاره
المهم إن الانترنت كله منور بالمدونه بتاعتك ربنا يعينك ويوفقك
وانا عارف انك عندك حاجات كتير جدا ممكن تكتبها وتفيدنا بيها
حبيب قلبي أبو سيف
نورت المدونة
ياما لسه حنخبط في الحلل
بس انت تابعني
وشد حيلك في المدونة بتاعتك شوية
انا عارف انك مشغول
بس ولو مرة في الاسبوع
انت واحشني جدا
ربنا يجمعنا دايما على الخير
آمين
Post a Comment